Featured

Learning / Relearning your computer skills or The Premortem of next work from home

  1. Corona ka prakop jaldi jata nahi dikhayee deta. WHO ki maane to ye virus 2 se 3 saal mein aam bimari ki tarah ho jayega, aur tab tak hamein iske saath jeena seekh lena hoga.
  2. Kai statistics kehte hai ki 42 % tareh ke kaam ghar se kiya ja sakta hai . Work from home ki hamare desh mein hamaree sthiti is tweet se hee pata chalti hai .


शिक्षित बेरोज़गार@kaul_vivek
· The history of work from home remains to be written. And whenever it is written, it wont be a goodone!.

Developing countries mein yeh ek badi smasya hai jahan bijli ,ssaf paani aur ghar hi nahi hai.Iske saath aur samasya jaise private VPN, security of data bhi hai (India Call Centers Scramble To Adapt To Working From Home)

Lekin mera focus unn paristhiti par hga jahan family mein ek shared computer hai, aur sab log usse nahi use karna jaante.

Magar usse pehle ek warning/ chetaavni.

 Agar aapko bilkul bhi computer ko On Off karna ya mouse keyboard chalana / handle karna nahi aata to ye blog aapke liye nahi hai. Aapko thodi bahut jaankari zaroori hai ise samjhne ke liye. jinko lagta hai ki unhe aata hai , to wo log zaroor padhe agar wo yeh sab NAHI kar sakte…..

…agar aap apna likha ya dala material waapis nahi dhoond paate, bager sar khapaye,sahi time par.

… aap apnee information ya knowledge 30% se 40 % reuse nahi kar sakte.

…. agar aapko yeh samajh nahi hai, ki kis kaam ke liye kaun sa program sabse behtar hai or kyon or agar wo nahi hai to kaun sa doodra program use kiya ja sakta hai.

… agar aapko “Life cycle of document/ information ” ka concept pata nahi, aur aap kaam shuru kar lete hain.

… agar aako information overload filter nahi karna aata hai, ya padhee huee information ko timely, properly store karna ya retreive karna nahi aata hai.

… agar aapko interoperabilty of application ke concept ka upyog karna nahi aata hai.

…. Agar aap dheere dheere uss kaam ko computer par behtar aur naye tareekay se nahi kar paate hain.

Agat inme se kuch bhi cheezon ka aap gyaan nahi rakhte, to iss blog ya koi doosre blog ko avashya padhein. Shhershak / title mein Premortem ka concept samjhne ke liye ye blog aur ye site padein.

Shuru karne se pehle samjhein/ BASIC SKILLS YSK (You Should Know)

  1. Coaching classes or schools complete course alag tarrekei se karaatein hain jo aapke time aur budget ke liye suitable na ho. Ho sakta hai aap utna computer seekhna chahtein hain, jitna aap ko kaam karna hai ya apke matlab ka ho. Lekin iske liye bhi basic on off or program kholna aur band karna seekh lijiye. Bas itna seekh kar iss blog se shuru ho jayein.
  2. Seekhte hue usee program mein lecture notes banayein, dheere dheere. Program bhi aa jayega, aur notes bhi ban jayenge.Natural language mein doubts likhein or internet par khojna seekhein. Search aur research ka gyaan hee aaj Gyaan mana jata hai . Aur gap aane par dobara yaad karna easy rahega.
  3. Har shabd ka ek general matlab hota hai or ek technical matlab.Computer mein Help khojna aur Internet mein dhoondna yaheen mushkil pada karta hai. Pehle uss shabd ya word ke pehchaan karein. Ye sab words computer ke menu ya sub menu mein hotein hai. example Font,Format,Edit Save,Save As etc.
  4. Is tarah aap baad mein parivaar mein, ya kissi doosre ko bhi sikha sakte hain.
  5. Is tarah seekhte huey, aap ko relevant questions poochne ki bhi kala ayegi or kaam karne ki bhi, jo ki baaki learning mein bhi help kartee hai.
  6. Seekhte huey Phone mein timer lagaye (20 min ka, Pomodoro technique) taake ungli aur aankhon ko aaram mil sake.
  7. Jaisa bhi bhi programme ho, “Save” ki aadat daale rakhein. Kam nuksaan hoga.
  8. Key board shortcuts haath aaki thakaan ko kam karenege, aur kaam ki raftaar badhaynge. Inhe shuru se hi apnayein. sarey nahai par kuch jaroori jo APKE kaam karne mein use ho rahein hain.
  9. Mouse ke button left or right side badal kar kaam karein .Issi tarah Mouse doosre haath se challana seekhen ,shuru mein seekhna aasan hai. baad mein aadatt badalna mushkil hai.
  10. Issi tarah numeric pad number bharne ke liye shuru se dono haathon se aadat daalein.
  11. Computer ki location aise ho ki, zaroorat padhne par privacy ya shor se bachne ke liye isolate ho sake, par baaki samay aasani se approach kiya ja sake.
  12. Computer is tarah rakhein ki background plain rahe. Zoom meeting ya bachon ki class ke liye.
  13. Monitor ki brightness kam adjust karein taake aankhon par jor na pade.
  14. Har chhez ke liye naya software na sochein, aur na lein ya download karein. Zyadatar kaam inhi software se ho jata hai. google karke dekhen. company advertise nahi kartee, par wo kaam ho jata hai.
  15. Aajkal har program highly customizable hai. Iska fayda udhayein. Sadharn log bhi Accesibility feature ka istemaal kar working aasan kar sakte hain.
  16. Microsoft Word ek basic magar maha shaktishaali programme hai, jisse log sabse jyada, aur sabse kharab tareeke se use karte hain. Isse aapko apne requirement ke hisaab se chhottaa ya modify karna hota hai.
  17. Iske liye toolbar aur ribbon ko thoda seekhna aur hilana rehta hai. Hum log yeh sab seekhenge aur apne kaam ko aasan banaynge.
  18. Aap Note pad aur Word Pad bhi use kar sakte hain agar ake paas MS Office or Office 365 installed nahi hai. yeh dono program Windows ke saath free milte Accesories ke Menu ke ander.
  19. Microsoft Excel seekhna sabse aasan hai, aur log sabse jyada impress hotein hain, specially job par.
  20. Sabhi office related software ki functionality 80% same hoti hai.
  21. Doosron ko kaam karte dekhiye. aapko samajh ayega ,kya nahi karna hai, kya karna hai, Kiss tarah se usko behtar karna hai.

(Isko baar baar padhein aur prayog mein layein)

Samay or Job ke karan, mein iss blog ko add or edit bhi karta rahoonhga, aur aage bhi badta rahoonga. Isliye isse beech beech mein dobara paadhein.

Aapke liye likhte huey mere concepts bhi clear ho rahein hai,aur kayee jaankari jo bhool gaya tha , dobara karne ka mauka mil raha hai. Nayee jaankari to mil hi rahi hai.

Aaj introductory concept shuru karte hain program Note Pad se.

Is ke saath hum dekhenge ki kaise MS office or Microsoft Windows aage bade, aur aaj MS office software aisa kyon dikhta hai. Office programme aise kyon dikhte hai or kaam kartein hain. Seekhna aur samajhna aasan hai . Isse yeh bhi hoga ki kaam seekhna, aur karna assan ho jayega.

NotePad program Shuru se window Accesories ka hissa hai, aur sahi maney mein MS Office ssuite ka poorvaj/ ancestor hai. Use karenege to clear hota jayega.Chronology samjhiye.

Aap isse aise samjhe, jaise motorcycle par 2 dial speed aur kilometre travelled ke saath shuru huey. Aur aircraft mein bahut sankhya mein dial dikhte hai, aur samajh nahi aata ki pilot kaise dekhta aur samajhta hoga.Isi tarah Note pad Motor Cycle ke Dial hain or MS Office,Google,Zoho,Hancom aadi aircraft ke dial hain.hamein beech ka safr dekhna hai.

Windows ki accesory mein Note Pad milega isse kholeye (Open All programmes>> Accesories >> Note Pad). Iska menu explore karein.kuch is tarha dikhaye dega.

Ab is photo ko dekhen aur apnee speed aur suvidha se padhein.(Self paced Learning)

Aur abh dekhen Short Cuts kya hotein Hain or Help File kya hai ?

Note Pad ke saath in sab ko padh kar kaam karein /khelen.

Shortcut key ka main button Ctrl hai jisko Mac par Comd ya Command key kehte hai. Keyboard ki sabse neche ki line shortcut,UNDO,CUT,COPY,PASTE hai, yaani Ctrl daba ke (+) Z,X,C,V dabana hai.

Doosre shortcut word ka pehla Alphabet / akshar se milte hain jaise F-Find, N-New,O-Open,S-Save. Magar purane sheher ki tarah uss samay koi nahi sochta ke ek din iss sadak par car or truck bhi chalenege. Jab Command badte gaye to Keys aur alphabets kum padhne lage ya ek jaise lagte theh. tab H-replace jaise bane or F keys ka proayog hone in laga. inme se koi system banana tha so banaya gay. abhi ke liye itna hi samajhna hai,ki Ctrl ke Baad Shift Key ko importance di gayee.

Note pad par practise kijiye or saari command dekheye.

2 page ki chhotee se Help file padte huey bhi karein.

Agle blog mein Note Pad ka analysis karenge , ismein kya kami thi,kaise ye program sudhara gaya, logon ki maang aur kya badhi aur hum is raaste chalte yahan tak kaise pahunche.

Premortem aur Postmortem


Corona ki badti mrityu darr ke kaaran ya, infective fluids ke kaaran, patients mein postmortem nahin kiya ja raha hai. Iska kya koi sarkari nirdesh hai ? ya kaaran bataya gaya hai ?

 Shayad iska karan hai is Bimari ki infectivity ya Marne walon ki sankhya har Jagah Itni jyada hai aur postmortem ki facilities hai nahin? Issse  Aane Wale Samay Mein nuksan Hoga Kyonki hamare pass histopathology ka data Nahin Hoga. Organs mein kya kya changes huen hai? Kis Umar Mein Kis Tarah Ke changes hue? ladies mein bacchon mein, gents Mein ,Budoon mein kya farak hai changes ka? Comorbid conditions (jinko diabetes, cardiac etc hai) valon Logon ke liye kya yah changes alag tarike se huen hai ?

Iske sath hi Mujhe Yad Aaya Premortem ka concept jo kai saal 2017 mein EDGE ke saal ke annual question mein pada tha. Sawal yoon tha 2017 : WHAT SCIENTIFIC TERM OR CONCEPT OUGHT TO BE MORE WIDELY KNOWN? . Yeh answer diya gaya tha inke dwara.

Richard H. Thaler : Father of Behavioral Economics; Recipient, 2017 Nobel Memorial Prize in Economic Science; Director, Center for Decision Research, University of Chicago Graduate School of Business; Author, Misbehaving.


The Premortem : Before a major decision is taken, say to launch a new line of business, write a book, or form a new alliance, those familiar with the details of the proposal are given an assignment. Assume we are at some time in the future when the plan has been implemented, and the outcome was a disaster. Write a brief history of that disaster. 

Mera translation” jab bhi hum koi bade level par major decision lete hai ya kitaab likhte hain ya business shuru karte hein, ya naye partnership banate hain, to jo bhi log is proposal se waqif hain, unse ek sawal kiya jana chahiye. Maan lijiye  hamara yeh project future mein  shuru karte hee kamyab nahi ho, aur uss par bhaari jaan maal ka nuksaan ho, to soch samajh kar visualise karein aur uske bare mein likhein”.

Is concept ka actually medical se Lena Dena Nahin Hai per,par Agar hum aaj uss pandemic mein kharre hain jiskee jaankaari hamein thi.

Infectious disease ko sambhalne ki principles bhi saari duniya ko pata hai. To kya aaj humein Premortem concept ko apnane ki zaroorat hai.

Yeh article aap website par jaakar google translate se padh kar aur jaankari ,prapt kar sakte hain.(Yahan).

Paristhiti utpann hone se pahle hi use paristhiti ke bare mein Soch Lena, jaise ki Samanya Jeevan mein kaha Jata Hai Ki “Soch Samajh Kar kaam karo” is concept ko  mirror karta hai. Shayad usse  scientifically develop karein to issy terminology par pahunch jayenge.

Richard H Thaler ke vichar se do(2) kaaran hai jisse Premortem durghatna (disaster) se bacha sakta hai.

Pehla hai ki bheed (Crowd ) mansikta aur overconfidence project ke khatam hone ke paas charam seema par hoti hai. Aise mein ek akeli awaaz jo kisse aur negative pehlu ki taraf dhyaan de daba di jaati hai, ya khud chup ho jaati hai.Lekin agar sawaal hi yahi kiya jai “Project fail kyon hua ?” to dabi awaaz , inaam ki hakdaar ho jaati hai. Kewal isse se project ke doosre pehlu dikhenge (Devil’s advocate).

Doosra kaaran yeh hai ki aap isse ulte chashme se dekh rahein hain.Optimistic hokar nahin balki pessimistic hokar, Ye Kyon Hua? Kaise Hua ? Richard Thaler ka manana hai ki isme aap aur creative ho jaate hain, aur problem solving ki taraf badte hain.

Unka manana hai ki kai badi badi company jo duniya bhar mein mashoor thi, raton raat gayb ho gayi. Yeh unki baat ka saboot hai.

Par ghar wapis Corona ki taraf. Twitter par pada tha, bookmark naheen kiya par yaad aya abhi. ‘Corona – The disease is political and so is the cure.”

Lockdown mein dimaag, ajeeb baatein jod leta hai. Nahi jodega to Roam research ke Bi directional linkage aur unlinked sources aane wale samay mein jod denge. Dekhen aage aage kya hota hai.

 Humlog, jo lakhon logon ko ghar banakar kumbh karva sakte hain, Kanwar ko jagah jagah tent lagakar khana khila sakte hain, hind sight mein lagta hai, Premortem kiya hota ,to tayiyaari aur bhi behtar hoti.

Ventilation- Concept building

Landing page, Ventilation, 2000 hrs,Jul 11,2020)

Jeevan saans ke saath juda hai. Saans ki kriya hawa se oxygen kheench kar fefde mein le jaati hai, jahan jhilli (Alveolo-capillary membrane) ko par kar dil ki dhadkan, khoon ke dwara, uss oxygen ko poorey shareer ke har ang mein pahunchati hai. Khaali aaney se acha hai kuch upyog karna ,to shareer mein kachre ke roop mein utpan carbon di oxide ko yeh khoon vapis fefde / Alveoli mein le aata hai, jahan oxygen se ulti disha mein carbo di oxide vayu mandal mein nikal jaati hai. yeh carbon di oxide vriksh /ped /paudhe khana banane ke liye istemaal karte hain (Dhoop aur Chlorophyll se-Photosynthesis) aur apna kachra Oxygen ham jeevon ke liye ,vayumandal mein nikaal dete hain. YAHI JEEVAN HAI, ye hee kriya hai, aapsee sehyog ki. (Prithvi par koi cheez bekar nahi hai, Kissi ka kachra, kissi ka labh)

Saralta ke liye hum isko teen (3) hisson mein baant kar padhenge. Pehla hissa “Ventilation”, doosra “Oxygen aur carbon di oxide ka blood / khoon mein ghulkar shareer/fefde ka safar“, aur teesra, “ang / tissue ka blood ke saath oxygen aur carbon di oxide ka exchange / aadan pradaan”.Respiratory system ki Concept building inhi ke landing pages se shuru hogi.

Anaesthesia / Nishchetna mein ventilation ko stambh ya pillar ke roop mein samajhna jaroori hai. Pehle hum log ek rai ho jayein ki iski paribhasha ya definition kya , taaki mein aur aap, ise ek hi nazar se dekhen.

Ventilation ya Alveolar ventilation vo prakriya ya process hai jo ki hamare dheeme dheeme chaati (chest wall) fulane aur khaali karne ke karan do (2) dishayon mein prabhaav dalta hai. Vayumandal (Atmosphere) ya bahar ki hawa se oxygen hamare fefde (Alveoli) tak kheench kar hamein oxygen dete hai, aur shareer se utpan carbon di oxide fefde (Alveoli) se nikal kar vayumandal (atmosphere ) mein pahunchti hai .

Yaani Alveolar ventilation se oxygen aur carbon di oxide imandaari / sharafat se apni jagah badal lete hain. Iska bigadna hi bimari hai or iska sambhalna hi Anaesthesiologist /Nishchetak ki jimmevaari hai. Aage badte hue hum isi pehlu ko tarah tarah ke nazariye se dekhenge.

Isi soch/ philosophy se agar hum poori kriya ko dekhenge ,to kai bahumulya seekh bhi milegi ki kudrat kaise mushkil sawalon ka aasan aur “low energy ” jawaab nikaalti hai, aur kaise alag paristhiti mein usi gyaan ka prayog / istemaal doosre janwaron dwara ho sakta hai.

Hamein yeh bhi dikhega ke motey taur par yahi model shareer ke kai aur systems mein dohraya gaya hai, bus naam doosra hai ,basic tareeka wohi hai.

Sabhi vishyon ki tarah, kahani saral tareekon se shuru hogi aur dheere dheere complexity aati jayegi. ( Dhyan rahe difficulty nahi complexity likha hai menen.) Yahi cheez sangeet ya music mein rehti hai, yahi bhasha hai, A to Z seekhiye aur novel likh deejiye, ya 0 se 9 seekho or ganit / maths ki kitab / concept likh daalo ya MS Excel mein kaam karo, formula likho.

Yeh bhi ek jeevan ke liye seekh hai, ki simple fundamental concept se hi Complex Concepts bante hain, ya yoon kahiye kisi bhi mushkil cheez ki neev / foundation ke stambh / pillar simple concept rehten hai jinko poora samjhne mein smay nahi lagaya gaya , ya samjhaya nahi gaya, ya poora samajh nahi aya to agey mushkil aatee hai.

In concepts ko hum “keywords” ya “key concepts” bhi keh sakte hein (shabd / shabdon ki lambai ke anusaar). Kyunki hum anaesthesia poora to website mein nahi padha sakte , magar keywords / dots / bindu ko jodkar ek aasan karne wala, aur samajhne wala dhancha bana sakte hein. To isi liye ” Respiratory system” ki kahani jo ki hamari rozi roti ki daastan ” ( bread butter ) hai , Ventilation se shuru hoti hai.

Shayad yeh introduction thodi lambi lag rahee hogi, magar ye aane waley lectures ka samay baandh rahi hai, ek disha dikha rahi hai, jisme roz pani peene ke liye roz kuan khodne ki zaroorat nahi.Thodi soch aur zoom in/out karke dekhne se naya topic samajhna har baar aur aasan ho jayega, aur shayad kuch jeevan upyogi seekh ,kudrat (nature ) ke design se. ya kaam karne ke tareeke se mil saktee hai. ( Biomimetics )

Dobara is paribhasha ko padhiye aur samajhiye. isme aakhri do(2) mudde jodna baakey hai. Saans ko chalney ki disha ,dimaag se aati hai aur hum kuch had tak isme badha daal saktey hain , jaise jaan kar saans rokna ya tez karna. Kyonki yeh karya 24 ghante chalna hai islley ise brain ne automatic kar diya hai. ab jeevit vyakti baaki dishaon mein dhyan laga sakta hai or dil or saans ke chalne ki speed ki phikar nahi karni padtee. Aur doosra ki jyadatar medical physiology aap seedhe khare insaan ke hissab se samajhte hein, lekin anaesthesia mein apko mareez hamesha leta hua milega, chahe seedha, side par ya pet ke bal ulta. kyoonki gravity ya gurutvakarshan samast jagah par kaam karte hai isliye ventilation position aur gravity mein bhi gehra rishta hai.

vayumandal ka kona to dikhta hai par doosra kona kya hai. isko hum Alveoli kahenge aur iska ek kalpanik roop man mein rachte hai, jo shakal se to alg hai lekin kaam bilkul uske jaisa karega.

Alveoli ek kalpanik (kyoonki isko abhi dikhana nahin hai, samjhana hai model se) kamra samajhiye. ek bantey hue makaan ki kalpana kijiye jisme foundation ke baad garmi ke dino mein har kamre mein Chaukhat aur darwaze (door) lagey hain par diwaron aur chaath (roof) ke lite itein ( bricks ) nahi ayee.mazdoor log har kamre meinbachaav ke liye purani dhoti se deewar aur chaath (roof) bana lete hein aur usko geela kar ke kamra thanda rakhte hein. Bagal waley kamre mein bhi yahi kiya gay hai par donon pardon (curtain/ membrane ke beech 2 pipe bhi chal rahein hain. Mudde ki baat yeh hai ke ye Aveoli “Hawa” or “Paani” se bigad sakta hai. Yaani hamare fefde itne nazuk hai ki normal se kum ya zyada hawa ya paani si kharab ho saktein hain ya bigad saktey hain.

to ab man mein photo yeh bana lijiye ki ek pipe hai jiska ek kona vayu mandal hai , pipe shareer mein ja kar Alveoli mein khulta hai .kaidi (prisoner aadan praadan ki tarah oxygen aur carbon di oxide vipreet (opposite direction mein chalte hain , raah mein mulakaat bhi hoti hai, ghulte milte bhi hai aur fir doosree disha mein chal padte hain. is Kahani ke actors aur kahani ke set ka badalna hi ventilation ki tarah tarah ki beemari or complexity ko janam deta hai.

udharan ke liye hum kuch pehloo ko badal kar dekhte hain aur aagey aane waley Blogs mein vistrit /detaile jaankari dekhenge. Kisi bhi kone se shuru kiya ja sakta hai vayu mandal se fefde ke Alveoli se.har point alag se likha jayega , taaki baad mein use technical topic se link kar diya jaye.

aap sabh jyadatar vayumandal mein saans lete hain, par surgery mein GA yaani anaesthesia ke dauran kritrim vayumandal hota hai. mareez bhagwaan nahi doctor ki banayi oxygen aur davai ke anupaat mein saan leta hai. ( Hypoxia, Hyperoxia, Rebreathing, Dry air)

patient apne aap saans le sakta hai ya machine dwara.( Spontaneous ventilation , Muscles of respiration, intrapleural space,pneumothorax

machine se bina tube daale ya endotracheal/ nasotracheal/ tracheostomy tube ke saath.machine se dhodi der ya jyaada der. ( positive pressure ventilation, mechanical ventilation, Non Invasive ventilation, CPAP, BIPAP, Dead space,Humidification, ventillator associated pneumonia)

Vayumandal sea level samudra tal par normal pressure par kaha jata hai 1 atmosphere. ye Pahar par kam ho jata hai aur samudra tal jaise pandubi / submarine mein jyada ho jyata hai.(Barotrauma, Pumonary oedema, Negative pressure pulmonary oedema,Surfactant,PAO2)

Hawa mein hamare kaam ki teen gas hain oxygen, carbon di oxide aur nammi / water vapour. Inme oopar neeche badlav ho sakta hai.(Oxygen therapy, Hypoxic hypoxia, Hyperbaric physiology and Anaesthesia, Physiology and Anaesthesia at high altitude ).

Saans chalne ka nirdesh dimag se aata hai. samanya kaal mein yeh nirdesh shareer ki do abhilashyan poori karte hai. Oxygen ki blood mein matra sahi rahe aur shareer se carbon di oxide bahar nikal jaye. ye nirdesh teen bhag mein aata hai. Kitnee baar saans lena hai (RR-Respiratory rate), kitna bad saans lena hai (VT– Tidal voloume), kis ley se saans lena hai (Rhythm).Do paristhiti mein gadbad ho sakte hai. Ya to kissi karan dimag / Respiratory centre galat nirdesh de raha hai, (Jaise chot, dawai etc ke karan) ya nirdesh theek hai par chaati aur fefde uska sahi palan nahi kar paa rahe. unki majboori kamjori,beemari,injury/ chot etc ho sakti hai. (Hypoventilation, Central cause of Apnoea, Peripheral cause of apnoea, Hyperventilattion, Respiratory acidosis,Respiratory Alkalosis.)

Upar likhe RR ko agar hum VT se guna / multiply kar lein to humein samajh mein aata hai ki ek minute mein kitnee hawa andar ya bahr ja rahe hai (isse MV ya Minute ventilation kehte hain. iske baal ki khaal hum baad mein nikalenge.magar is prakriya ko agar instruments dwara nap jaya to ussey LFT- Lung Function test kehte hain. ( Static lung Voloume and capacities, Dynamic lung Functions, barotrauma).

Body mein hawa aaram se ja saktee hai ya usey rukavat ho saktee hai jaise asthma ka patient ya Foreign body, thick secretions. Rukavat Alveoli level pahunch kar membrane paar karne mein bhi ho saktee hai( Resistance,Laminar flow, Turbulent Flow,Pulmonary oedema)

Oxygen Flux -jawab sheegra hee.

Tidal voloume-jawab sheegra hee.

Respiratory rate-jawab sheegra hee.

Minute ventilation-jawab sheegra hee.

Dead Space-jawab sheegra hee.

Anatomical dead space-jawab sheegra hee.

Equipment dead space-jawab sheegra hee.

Physiological dead space-jawab sheegra hee.

Alveolar ventilation-jawab sheegra hee.

to hum ne dekha ke ek chotta sa concept saans ka andar bahar hona kitna bada “Word Cloud” generate kar raha hai. yahi iss topic ventilation ki Simplicty hai aur Complexity hai. Isi se ham “Human Pathophysiology ka Model” banate jayenge aur aage badte jayenge.

hamein oxygen kyon chaiye ? agar zaroori hai to hamaare shareer mein thoda stock kyon nahi rakh sakte?Kya oxygen vish hai ya amrit ? Ya Dono!

jawab sheegra hee.

Kya carbon di oxide shareer ka kachra hai ?

jawab sheegra hee.

Suvidha ke liye hum blog mein bracket ke keywords ko kram anusaar (Alphabetically ) likh deten hain aur aage aane walon blog se hyperlink karte jayenge. mere liye yeh bhi acha hai agar aap isko poorey blog ka index page or philosophy bhi samjhenge.

%d bloggers like this: